قیمتی پتھر یا جواہرات صرف زیبائش یا فیشن کا حصہ نہیں بلکہ ایک گہری روحانی، کائناتی اور نجومی طاقت کے مظہر ہیں۔ ان کی حیثیت محض زیور تک محدود نہیں، بلکہ یہ وہ خزانے ہیں جو ازل سے بادشاہوں، صوفیائے کرام، اور علم نجوم کے ماہرین کی رہنمائی کا ذریعہ رہے ہیں۔ ان پتھروں کی اصل طاقت ان کی پوشیدہ لہروں میں ہے جو انسان کے جسم، روح اور تقدیر پر گہرا اثر ڈالتی ہیں۔
پتھروں کی کائناتی توانائی
یہ قیمتی پتھر زمین کی گہرائیوں سے نکلنے والی مخصوص توانائیوں کو جذب کرتے ہیں۔ ہر پتھر کا تعلق کسی نہ کسی سیارے سے ہوتا ہے، اور جب وہی سیارہ کسی شخص کے زائچے میں کمزور ہو یا منفی اثر دے رہا ہو، تو یہ پتھر ان اثرات کو متوازن کرنے میں مدد دیتے ہیں اور زندگی میں بہتری لاتے ہیں۔
رہنمائی کے بغیر پتھر پہننا نقصان دہ ہو سکتا ہے
اگر پتھر کو غلط وقت، غلط نیت یا بغیر زائچہ دیکھے پہنا جائے تو یہ فائدہ دینے کے بجائے نقصان پہنچا سکتا ہے۔ بہت سے لوگ لاعلمی میں قیمتی پتھر پہنتے ہیں اور پھر بیماری، ناکامی یا نحوست کی شکایت کرتے ہیں۔ اسی لیے قیمتی پتھروں کا انتخاب ہمیشہ علم نجوم کے اصولوں، لگن (ASC) اور زائچے کی پوزیشن کے مطابق ہونا ضروری ہے۔
لگن (Ascendant) پہلا گھر
زائچے میں سب سے اہم گھر پہلا گھر یعنی لگن ہوتا ہے۔ یہ انسان کے جسم، صحت، شخصیت اور زندگی کے بنیادی پہلوؤں کا حاکم ہوتا ہے۔ اگر لگن یا اس کا حاکم سیارہ کمزور ہو تو انسان جسمانی و روحانی کمزوری، خوف، بدنامی یا دشمنی کا شکار ہو سکتا ہے۔ اس لیے سب سے پہلا اور بنیادی پتھر لگن کے حاکم سیارے کے لیے تجویز کیا جاتا ہے۔
پانچواں اور نواں گھر مقدر اور روحانیت کے دروازے
پانچواں اور نواں گھر زائچے کے نہایت بابرکت اور مقدس گھروں میں شمار ہوتے ہیں۔ ان گھروں کے سیارے اگر کمزور ہوں تو علم، اولاد، عبادت، دعا، قسمت اور ترقی کے دروازے بند ہو جاتے ہیں۔ ان سیاروں کے موافق پتھروں کے استعمال سے انسان کی زندگی میں علم، فیضان، مقبولیت اور کامیابی آتی ہے۔
ان گھروں کے پتھر پہننے سے بچیں
زائچے کے کچھ گھر ایسے ہوتے ہیں جن کے اثرات منفی ہوتے ہیں، جیسے دوسرا اور ساتواں گھر چھٹا، آٹھواں اور گیارہواں گھر۔ یہ گھر بیماری، دشمنی، رکاوٹ، قرض، حادثات اور پریشانی سے منسلک ہوتے ہیں۔ ان گھروں کے سیاروں کے پتھر پہننا سخت نقصان دہ ثابت ہو سکتا ہے اور روحانی طور پر آزمائش، الجھن اور تباہی کا دروازہ کھول دیتا ہے۔
کون سا پتھر پہننا خوش نصیبی ہے؟
آج کل لوگ بار بار یہ سوال کرتے ہیں
- کون سا پتھر خوش نصیبی لاتا ہے؟
- دولت یا محبت کے لیے کون سا پتھر مفید ہے؟
- کون سا پتھر شہرت دلاتا ہے؟
ان تمام سوالات کا ایک ہی سچا جواب ہے:
صرف وہی پتھر پہنیں جو آپ کے ذاتی زائچے، لگن اور سیاروی اثرات کے مطابق ہو۔
کیونکہ ہر پتھر ایک خفیہ توانائی رکھتا ہے جو یا تو انسان کو بلند کر دیتی ہے یا پھر مکمل زوال میں دھکیل دیتی ہے۔
اپنے ستاروں کو پہچانیے
قیمتی پتھر زمین کے وہ خزانے ہیں جو اللّٰہ تعالیٰ نے انسان کے لیے رکھے تاکہ وہ ان کے ذریعے اپنے بگڑے وقت کو سنوار سکے، تقدیر کو قابو میں لا سکے اور روحانی و دنیوی سکون حاصل کر سکے۔ اگر آپ کامیابی، سکون، دولت، محبت اور روحانی تحفظ چاہتے ہیں تو پہلا قدم یہ ہے کہ اپنے زائچے اور ستاروں کو پہچانیے، اور ان کے مطابق قیمتی پتھروں کا استعمال کیجیے۔
رابطہ کریں اور اپنا موافق پتھر جانیں
اگر آپ چاہتے ہیں کہ آپ کے ستارے سازگار ہوں اور آپ اپنی زندگی کی رکاوٹوں کو دور کر سکیں تومشورہ کے لیے ہم سے دیئے گئے وٹس ایپ پہ رابطہ کریں
بدر علی ھوت
www.hooatastro.com